Was ist ein Gaschtna? Diese Frage beschaeftigte in den letzten Wochen die Bevoelkerung jenseits des Ahrntales. Doch Gewissheit naht, denn wir haben ihn heute im Interview: den Gaschnta oder besser gesagt das Oachale fan Toule, das ansonsten eigentlich sehr interviewscheu ist.

Umso schoener, dass wir uns mit ihm unterhalten konnten. Af dialekt voschteat sich!

Airbagpromo.com: Hoi Oacha, wia geats?

Oachale fan Toule (im Bild): Passt schu. Und dio?

Airbagpromo.com: Ba mir passts a. A schians Liadl hosche auginumm. Do Gaschtna. Tuische iatz olba öfta Liadlan van Tallest Man On Earth interpretiern? Weil du hosch jo schun amol oans van sebn kop!

Oachale fan Toule: Ah, jo, do Längischte Laggl af do Welt hot mi itz ibo zwoa Winton broucht. Di se Musig hot mo güit gitoh. Und es schaug gonz donoch aus, dass mi dea Laggl a nö ibo an drittn Winto bring müss. Dea junge Schwede isch aswi a kloado Öüfn in Winto.

Airbagpromo.com: Do Quendl hot dir a schians Video firs Liadl gimocht. Dozeil awin, wer ischn do se?

Oachale fan Toule: Hinton Quendl Tarantiggo vobirg sich… do Taschtntiggo! Uuups, i höff, i hon itz net zi viel voroutn…

Airbagpromo.com: Und wia schaugsn aus mit a CD?

Oachale fan Toule: mhmh… koa CD. ;-)

Airbagpromo.com: Sig man di iatz noa no irgndwou live?

Oachale fan Toule: Jo, obo olbm lamme asö innoffiziell. Itz get jo donna glei do Wintoschlouf löüs ba di Woldviecho. Wio schaugn nöemo ins Öbolond auchn zin Köch Markus fa do Jora-Hitte an 29. Septembo, und donna, an 6. Oktöübo mochwo in offiziell Obschluss fa do hoirign Ataraxia-Tour. Und se in Bergwerk, in Klimastöll, in Prettau. Gimietlich, oan Kilometo dinne in Berg. Sebm wa recht, man tat di Koschtn vöübstell. La, dassis donna net hoaßt, it hatt nicht xog.. Af se dowoscht i mi schu, und is Reächl, do Taschtntiggo und di Blindschleiche spiel a miet.

Airbagpromo.com: Iatz isch jo schun Mitte Septembo… Noa mochsche hoire widdo an wintoschlof?

Oachale fan Toule: Aswi gsogg, nö a Monat, und donna leig i mi lonxam widdo awi niedo und tü mi um in Nouchwuchs kimmon.

Airbagpromo.com: Und sischt, hommo opans vogessn…? Gibs no opans nois ba dir dohoame im Teldra Wold?

Oachale fan Toule: Jo, geschto hotts ba ins ochagschniebm!